Welkom by De Hoop Nasorg, ‘n plek wat liefdevolle en veilige sorg aan leerders en gemoedsrus aan ouers bied.

Die Nasorg bestaan tans uit 283 leerders.

De Hoop Nasorg voorsien in die naskoolse behoeftes van De Hoop-leerders.  Die fasiliteit is elke weeksdag oop vanaf 12:00 – 18:00 gedurende kwartale, asook gedurende vakansies vanaf 07:15 – 18:00.  Die Nasorg is slegs gedurende die Desembervakansie gesluit.

Waarom De Hoop Nasorg?

Die Nasorg is op die skoolgronde geleë en dit is nie net veilig nie, maar ook gerieflik vir u leerders se buitemuurse aktiwiteite en sport.

Personeel

Die Nasorg bestaan tans uit 12 lede.  Die personeellede is toegewyd en lewer werk van uitstaande gehalte.  Hulle liefde en deernis vir leerders is oneindig en verseker ‘n huislike atmosfeer by die Nasorg.

Ete

‘n Gebalanseerde maaltyd word daagliks deur ons bekwame en profesionele Westelike Provinsie Spyseniering voorberei.  Die spyskaarte word gereeld hersien en gesamentlik deur die spyseniers en Nasorghoof beplan om te verseker dat leerders ‘n gebalanseerde en gesonde maaltyd geniet.  Leerders ontvang ook ‘n peuselhappie teen 15:30 wat bestaan uit vrug, sap  of ‘n bederfie.  Koue water is ten alle tye beskikbaar.

Huiswerk

Die Nasorg lê veral klem op huiswerk en dit word in graadverband in spesifieke lokale gedoen.  Die graad 1 leerders word in kleiner groepies opgedeel om individuele aandag en hulp moontlik te maak.  ‘n Ekstra huiwerkklas word aangebied vir leerders wat sport of buitemuurse aktiwiteite bywoon.

Taal

De Hoop Nasorg is ten volle tweetallig. 

Vrydae

Ons hou van pret en in die somer geniet die leerders die swem gedurende 14:00 – 15:00. 

Vakansies

Die dae in vakansies kan lank wees vir die leerders wat nie die voorreg het om tuis te bly nie en daarom word daar aktiwiteite aangebied soos:  inkleur kompetisies, speletjies, talentkompetisies ens.

Kom besoek ons Nasorg en ontmoet ons vriendelike personeel.  Nuwe leerders word met ope arms verwelkom.

NASORG GROETE